Un wider isch...

Markus Manfred Jung und Uli Führe

Un wider isch Weihnachte, gweihti Nacht. 

All schneller, so schiint s, drüllt sich e Johr däre Hochzit zue
un goht däno glii dänooch z End.
Un scho wider des Gwild im Gfüehl, die Wurlete, des Gschtürm.
Des Hi- un Hergrisse-Sii zwüsche däre all wider neu verlogene Tschingelbells-Idylle
un dem ewiggliiche Abglanz vom verlorene Parediis.

Un wider, vo Neuem die Froog:

Bewegt sich no öbbis im Gwisse, rührt sich öbbis im Herz,
oder isch alles numme no Gwohnet, e Schale voll schali Gwohnet?
Die all Johr nämligi Gähnerei ab em alljohr Gliiche?

Juckt er eim no, de ämmel gwordeni Mensch, dä in s Lebe gworfeni, für uns?
Un wider isch Weihnachte, gweihti Nacht. Für uns?

 

Aus Markus Manfred Jung: Wenn i e Rebschtock wär
Drey-Verlag, Am Buck 2, 77793 Gutach (DE)