S Àlter ehre

Nicky

• Wo kommsch denn dü har ? Ich wàrt schon fàscht e Stund uf di !

Eddy

• Ä, vom Wihnàchtsasse fìr d Àlte vo minner Gmein, enfin „repas de Noël des anciens“, wie’s hìtt elegànt uf Frànzeesch heist.
• Bìsch tàtsachlig schon 70? Eso àlt wurd doch kè Saui!
• Hahaha, riss m’r e Bein üs, àss i kà làche!
• Güet ze wìsse, 70 ìsch àlso der Itrìtt* ìns Àlter. Ich hà noch e pààr Jehrla vor mìr… Wieviel sìn ìhr gsì?
• Ìwwer 100! Stell dìr dàs emol vor, e gànze Sààl voll, ìn ere Gmein vo nìt emol 2000 Seele!
• „Seele“ saisch? Wìtt denn boll starwe?
• Nìt glich. Nei, i bìn nawenem Pfàrrer gsasse. Mìr han uns prima unterhàlte, ar kàtholisch, ich protestàntisch!
• Un, het’s gschmeckt?
• Un wie. Der Herr Maire un sinner Gmeinrot* han sich nìt lumpe lo*, un de Àlte e prima Asse un Trìnke spandiert, vom beschte Traiteur ìn der Gejjend.
• Dàs nenn i s Àlter ehre!
• Ja, so ebbis gìtt’s noch, enfin, emol ìn Nìder-Burnhàuipt!
• Ja, het dàs Asse tàtsachlig 5 Stund gedüürt?
• Do stüünsch, hein, so gànz wie friejer àls  àme Sunndig. Bon, zwìsche de Gang het e Müsiker gspìelt, noh han mìr gschunkelt un e pààr han gwàlsert, wie eh un je.
• Dü aui?
• Nei, der Pfàrrer het nìt welle! (làcht sich ìns Fischtla). Ìm Arnscht, ich hà’s nie glehrt, bìn einfàch züe gstiff*! Un jetz, mìt 70 wur i sìcher nìt gleichiger*…
• Un, sìn aui Wihnàchtlieder gsunge worre?
• Ja, gànz àm And het der Herr Maire sinni Gmeinrotslitt, wo uns mìt ìhm d gànz Zitt gserviert han, zammegetrommelt, un àlli han si vor der Tànnebauim ufgstellt.
• Wàs han sa gsunge?
• Stell dìr vor, nìt numme „Mon beau sapin“, sondern aui „Stille Nacht.“ 
• Àlso àbwachselnd frànzeeschi un ditschi Wihnàchtslieder?
• Ja, un dàs ìsch glàtt ìwwer d Bühne gànge…
• Di ditsch Kültür ìsch hàlt bi dane àlte Generàtione noch làwandig.
• Ja, àwwer leider aui d schlachti Erìnnerunge àn d Nàzizitt. Minner Tìsch-Noochber vis à vis het m’r vo de schlìmme Sàche verzählt, won ar àls Zweijähriger un sinni Eltra mìtgmàcht han.
• Wie kàt ar si mìt zwei Johr drà erìnnere? Da ìsch doch sallemols z’klein gsì!
• Sinni Eltra han em dàs nohnem Kriej verzählt.
• Aha. Noh màche doch noch viel der Unterschid zwìsche ditscher Kültür un ditschem Imperiàlismus?
• As seht emol so üs. Denn wie ìsch da Kràch ìn Colmer sonscht ze versteh, wajje de Stroseschìlder uf Ditsch? „Münsterplatz“ unte à „Place de la Cathédrale“ verdauit e manke nìt.
• Ich hà gmeint, àss noh dare lànge Zitt die schlìmm Vergàngeheit jetz ìwwerwunde ìsch ? Un àss bi de Noochkriegs-Generàtione die dunkli Zitte, wo gwìssi Collaborateure àls ifriger* àss d schlìmmschte Nàzi gsì sìn, kè Roll meh spìelt ?
• Dü kàsch, dàs wo gschah ìsch, nìt ungschah màche, Nicky. Züedam unterschätz nìt der Ifluss vo àlle Kriegsfilm, wo standig di Ditschi àls plumpi Schwowe ànnestelle odder fànàtischi, grauisàmi Nàzi.
• Hesch nìt unracht. Un dàs pàssiert jetz üsgrachent ìme Kontext, wo Nàtionàlismus un Hurrapàtriotismus europàwitt, ja sogàr waltwitt, wìdder ufkiime*!
• Ich seh schon, wie hìtte di Dole*, wie ìn der 1930er Johre, ìwwerlauife,  un e stìnkigi, brüni Briej* d Strose verdrackt. Wie sich doch d Gschìcht ìm Kreis drahjt, un àlles wìdderkommt, ìn licht veranderter Form! Grüshàft!
• Un s kleine Elsàss ìm grose Oschte schauit wìdder verdattert* züe un duckt si, wie ìmmer, vorem Stärkere…
• Mìt em kleine Unterschid, àss es dìsmol der rüssisch Bar wurd sì, un nìt der ditsch Àdler odder der gàllisch Güller*!
• Jo, jetz ìwwertribsch wìdder màslos! Eso witt kommt’s nìt!
• Ebber het m’r kìrzlig gsait: „Eddy, frog nit dernoh, ’s kommt noch ärger!“
• Wer ìsch dàs gsì?
• Minni Schwejjermüeter, àm 25. Dezamber 1931 gebore. Dàs „Chrìschtkìndla“ ìsch jetz 92!