, Edgar Zeidler

Katholizismus, quo vadis ?

Sexuelle Vergehen an Kindern werden meist von Personen begangen, die Macht über sie haben und sie missbrauchen. Wenn diese aber auf einen ewig langen Zeitraum von sogenannten Seelsorgern verübt und von der Hierarchie vertuscht werden, dann verlässt die (katholische) Kirche am Ende das Dorf 

Ands Mai wara ìn Kamloops (British Columbia, Canada) uffem Bode vome ehmolige kàtholische Pensionàt 215 Leiche vo Kìnder entdeckt, wo zu de Urvälker vo dam Lànd gheere. Un der Stein ìsch dernoh gschnall ìns Rolle komme. Ìm Sommer sìn schon meh àss 1000 Gräwer entdeckt worre, àlli uff Àwase vo kàtholische Pensionàte. Glich druff käit e Zàhl wie vom Hìmmel: Àb em 

19. Jh. un 1990 sèige 150.000 Inuit, Àmerindiàner un Metis vo ìhre Fàmìlie gwàltsàm getrannt un ìn 139 „indischi“ Pensionàte gstackt worre. S Zil ìsch gsì, ìhri Sproche üsszemerze, ìhri Tràditione, ìhre Glauiwe un ìhri Kültür fer sìe zum Kàtholizismus ze bekehre. Wie viel vone schreckligi sexüelli Mìsshàndlunge han miesse erlide, weiss hìtte nieme gnaui. Uff jede Fàll sìn àm 1. Jüli, àm Nàtionàlfiirtig tauisigi Kànàdier uff d Stroß gànge un e gwìssi Àzàhl vo kàtholische Kìriche han miesse drà glauiwe.

Do druff han d kànàdischi Bischäf ìhr mea culpa üssgsproche, knàpp e Woch vorem 30. Septamber, wo zum „Dàj vo der Wohret un nàtionàl Versehnung“ erklärt worre ìsch. Doch uff e mea culpa vom Pàpscht Frànziskus wàrt der Presidant Trudeau schins ìmmer noch.

Wie’s der Züefàll so wìll, e pààr Monet druff plàtzt ìn Frànkrich der Skàndàl vo der Pedokriminàlität ìn der kàtholisch Kìrich. (L’Alsace, 6.10.21) Der Berìcht vo der Ciase (Commission indépendante des abus sexuels dans l’Eglise), wo der Presidant Jean-Marc Sauvé (wìdder e Züefàll?) ìm Erzbìschof vo Reims ìwerga hät, kommt uff meh àss 216.000 Opfer ìn dana letschte 50 Johre (1950-2020). 80% sìn Büewe, d meischti zwìsche 10 un 13 Johr àlt. Dia Stroftàte sèige vo güet 3000 Prieschter begànge worre. Noch schlìmmer: Ìn dam Berìcht ìsch d Red vo „systemischer Veràntwortung“, wàs eso viel heisst, àss d kàtholisch Kìrich dia sexüelli Mìsshàndlunge bewusst vertuscht hät un s kriminelle Verhàlte vo ìhre grob gschätzt 3% pedophile „Seelsorger“ toleriert hät. 

E àndri Zàhl ìsch gràd so erschreckend: nooch der Fàmìlie steht d kàtholisch Kìrich àn 2. Stell, vor de Feriekolonie, de Schüele oder de Sportsvereiner, wàs sexüelli Verbrache àbelàngt.

Der Schock sìtzt tief, vor àllem àss jetz waltwitt ähnligi Skàndàl der Rüef vo der kàtholisch Kìrich àrig àkràtze. Auschtràlia: d meischti sexüelle Àgrìff (58%) sìn ìn der kàtholisch Kìrich verübt worre, vo 7% pedophile Geischtlige. Ditschlànd, Bìschtum Köln: zwìsche 1946 un 2014: 3677 Kìnder Opfer vo 1670 pedophile Prieschter. Bìschtum Boston 2002: d Zittung Boston Globe berìchtet ìwer màssivi sexüelli Mìsshàndlunge un de gràd so màssive Àstrangunge, dia Stroftàte ze vertusche. Un ìm Bìschtum Dublin hät d kàtholisch Hierarchie ìwer 30 Johr Gwàlttàte gejje Kìnder vertuscht.

Ich bìn kè Hallsaher, àwer ich glauib, wenn sone Dissi wie der Chrìschtüs jetz wìdder uff 

d Walt kam, dat er zerscht emol d kàtholisch Kìrich üssmìschte. Un àls Proteschtànt froj i mi, wàs ar zu dare Kìrich dàt saje. E offeni Froj, intellektüell spànnend, doch eigentlig unwìchtig fer mich, denn fer miner Glauiwe brücht’s kè Kìrich, un dàs ìsch güet so.

 

Glossar

gheere, gehören

Àwase, Anwesen

àkràtze, ankratzen

 

E.Z.

8/10/21